Wenn dr Himu äm Horizont äs Müntschi git

Zusatztext

I verzeue sächzg churzi bärndütschi Gschichtli, anekdotisch us mym Läbe. Vo myne Chindertage unger em Sigriswilergrat u vo dr Wanderig mit Ching in Norditalie mit kriminalistischem Usgang. I brichte aus Initiant vo dr 'Volksinitiative für freie Schulwahl' im Kanton Bärn, vo myre politische Zyt aus Mitinitiant u erschte Vizepresidänt vo dr 'Freie Liste', vom Ärläbnis aus Dienschtverweigerer im Ungersuechigsgfängnis mit ämene Chindsmörder u vo denn, won i Gaschtprofässer z Riga bi gsi. I sinniere über ä Rägeboge, über d Begründer vom Schlössli Ins, Ätti u Müeti, über myni Ärläbnis i dä füfedryssg Jahr aus Heimleiter und aus Siddhartha unger äm blüejende Chriesiboum.

Autorenportrait

Ueli Seiler-Hugova, 1942 z Chlydietu gebore. Ufgwachse unger äm Sigriswilergrat. Läbt bis hütt im Schlössli Ins - aus Ching, de aus Lehrer, Heimleiter, Presidänt vo dr Stiftig Seiler, Mitglied vom Europäische Forum für Freiheit i dr Erziehig (EFFE), Gaschtprofässer z Riga, Mentor u Vortragende i de tschechische Waldorfschuele. Verfasser vo Sachbüecher über Farbe, Stärne, Parzival, Peschtalozzi u Steiner. Vatter vo sibe Ching us zwo Familie. Verhüratet mit dr Kamila.

Weitere Details